482

REGISTRES DU BUREAU

[i564]

milliers de salpestres pour la tuition et deffence de sad. Ville, et pour l'effect, composition et affinement. et cuictes desd, salpestres choisir el eslire telles personnes que nous advisarons expertz au mestier et les plus cappables et suffisans, jusques au nombre de vingt, lesquelz seront par nous paiez et sallairiez des salpestres qu'ilz feront et seront par eulx fourniz bons et marchans au grenier et munition de lad. ville et citté de Paris, à telz pris et raison que verrons et congnoistrons qu'ilz auront merité, des deniers commungs, dons, octroiz et revenuz annuelz d'icelle Ville, et ausquelz salpestriers ainsi par nous prins et esleuz led. Seigneur par cesd, lectres a donné et donne pouvoir d'aller par les lieulx où ilz sçauront et congnoistront y avoir terres et matieres disposées pour faire salpestres, tant en maisons, masures, caves, celliers, roches et autres lieulx où ilz pourront trouver salpestres, iceulx cueillir, faire et affiner avecq l'escouvette -¹- et la ratissouere, et enjoignant à toutes personnes, de quelque estat, qualité et condition qu'ilz soient, qu'ilz ayent à leur faire ouverture et les laisser entrer en leurs maisons, caves, celliers et autres lieulx où ilz pourront trouver salpestres, sans leur en faire aucun reffuz, ne les empescher de tirer, prandre et emporter les terriers esquelz seront lesd, salpestres, ny leur mes-faire ou mesdire, ne à leurs gens en besongnant de leur estat, sur peine de punition corporelle. En ensuivant lesquelles lectres et mandement du Roy nostred. Seigneur et pour fournir à son voulloir et plaisir, nous, deuement informez et cerliorez de l'expérience, suffisance et bonne dilligence de la personne de Jehan Bonenffant, le jeune,, demourant à Bondis, salpestrier, icelluy pour ses causes avons receu, commis et estably, recepvons, commectons et

establissons par ces presentes, de par le Roy nostred. Seigneur et lad. Ville, au nombre des salpestriers, ainsi par led. Seigneur ordonnez, au lieu et place de Jehan Bonenffant, l'aisné, l'un des vingt salpestriers qui y estoit par cy devant commis ct qui s'en est desmis et delaissé, à faire et excercer lad. commission, pour, en ensuivant le bon plaisir, voulloir et commandement exprès dud. Seigneur, aller et entrer es maisons, masures, caves, celliers et autres lieulx et places où ilz congnoistront avoir matieres disposées pour faire salpestres, pour les prandre, cueillir et enlever avecq l'escouvette et la ratissouere, el les faire et affiner, affin de les apporter au grenier et munition de lad. Ville, et non ailleurs; auquel Jehan Bonenffant, le jeune, par nous commis et receu au faict de lad. commission, avons faict faire le serment en tel cas requis, de ce faire luy avons donné et donnons povoir par vertu d'icelluy à nous donné par le Roy nostred. Seigneur en ceste partye. Mandons et commandons de par led. Seigneur à tous à qui il appartiendra, de quelque estat, qualité et condition qu'ilz soient, que, suivant led. voulloir dud. S^r, ilz ayent à faire ouverture et laisser entrer led. Jehan Bonenffant, le jeune, en leurs maisons, caves, celliers ou autres lieulx où ilz ¹ pourront trouver des salpestres, sans luy en faire | reffuz _> ne l'empescher de prandre et emporter les | terriers esquelz seront les salpestres, ct ne luy mesfaire ou mesdire, ou à ses gens en besongnant dud. estat, sur les peines contenues esd. lectres et mandement du Roy nostred. Seigneur, et les reffusans et contredisans estre par luy adjournez par devant nous pour venir respondre aux conclusions du Procureur du Roy et de lad. Ville et procedder comme de raison..En tesmoing, etc."

DCLXXXIX. — Lettres du Roy pour le renouvellement de l'aliance aux Suisses-"^.

Lettres de la Roine.

3o.'décembre i56.4. (H 17-84, foL 281 v°.)

Du xxx⁸ Decembre v° Ixiui.

Au jour d'huy, ont esté receues lectres du Roy et de la Royne, dont la teneur ensuict :

De par le Roy.

«Tres chers et bien amez, nous escrivons presentement à nostre 1res cher et amé cousin le mares-

O Ecouvelte, espèce de petit balai dont se servent les salpêtriers.

(2) M. de Bellièvre fut chargé des négociations très délicates qui précédèrent la conclusion de ce traité; dans une lettre du 3o novembre, Catherine de Médicis le remercie des -soing, dextérité et dilligence dont il avait usé pour achemyner les affaires des Grisons au bon chemyn où ilz sont», malgré les intrigues du comte d'Angousolle, agent de Philippe ll. Le 26 décembre, la Reine Mère